韩国流行音乐联盟

《我是歌手5》名单泄露?王力宏、莫文蔚、林宥嘉...明星阵容豪华到你唔信!

八卦佛山2018-11-08 11:19:24


每年《我是歌手》节目播出前

各路网友都会化身名侦探
齐齐玩无奖竞猜,估歌手阵容
而导演洪涛係第四季结束时讲明一定会有第五季
涛哥咁有底气开第五季嘅原因究竟係咩?
——
原来係请到咁多大牌嘉宾!




最近
有好多大V博主就爆出《我是歌手5》首发阵容,除佐之前曝光已经签佐约嘅张韶涵,仲增加佐田馥甄、莫文蔚、田震、永邦。


后来网上又爆出一份终极版参赛名单!

咩话!
费玉清!周华健!王力宏!
再加上补位同踢馆嘅歌手
好 多 大 牌
然而有媒体摞住名单同节目组求证,
相关负责人就表示
——

负责人话:“我地工作都未开始,
呢个消息点解我唔知道嘅?”


不过Hebe每届都传出会参赛,最后都不了了之,
小编觉得今次变数都好大

咁不如先根据网上嘅爆料
汇总一下预测版《我是歌手5》歌手阵容

田 震
其实讲真,《我是歌手》小编净係完整咁睇过第一季,后面几季都净係间唔中听下啲歌,但係係嘉宾名单爆出之后,小编竟然决定要认真睇一下今季。因为好耐无消息嘅田震可能会参加!

可能好多人觉得田震呢个名有啲陌生,但係只要一哼嗰首“风雨彩虹,铿锵玫瑰”,应该就好多人会话:“啊!原来係佢!”田震係上世界90年代到2000年歌坛嘅天后级人物,小编点解知道?就係因为细个成日听老豆播佢嘅歌,当时虽然唔识嘢,但係都觉得呢个姐姐唱歌好型!后来因为田震得佐一种叫“血小板减少”嘅病,就渐渐淡出佐娱乐圈。好多人都话,如果唔係田震病佐,内地天后绝对轮唔到那英!

那英当场拒绝出演
小编仲听讲,其实今次《我是歌手5》,节目组都捻住请那英嘎!但係因为先邀请嘅田震确定签约,那英就当场拒绝佐...
点解?唔单止一山不能藏二虎咁简单。而係田震同那英根本就係宿敌。

事情就要从2001年开始讲起,当年有一场流行音乐颁奖典礼,对于呢啲颁奖一般情况下係正式开奖之前就会提前通知获奖明星,而呢场颁奖典礼一早就告知田震获得“最佳女歌手”,田震都做好晒准备上台摞奖。但係係典礼准备开始嘅时候,田震突然收到消息,自己个“最佳女歌手”变成那英嘅。于是係颁奖典礼当日,田震准备佐张纸仔,係上台嘅时候读佐出嚟,直指主办暗箱操作,读完之后掟Mic就走。

当年闹得沸沸扬扬嘅发言稿原话:
「谢谢歌迷与传媒对我一直以来的关心,不过今天在这里我要向大家说明一个事实的真相。就在昨天组委会通知我,经过歌迷投票并公正处公正过的“内地最受欢迎女歌手”得奖人是我,可就在刚刚我被告知这个奖颁发给了歌迷投票率排在第二位的歌手,对于中国流行歌曲榜主办方这种极不严肃的做法令我最痛恨,如果我对这个奖产生了极大的怀疑,这个奖不领也罢!」

后来到那英上台领奖嘅时候,现场观众大嗌“田震”个名,当时那英超级尴尬,差啲喊佐出嚟。
自从呢次之后,两个内地乐坛大家姐从此结怨。后来04年央视春晚,那英表明唔愿意同田震同台,而那英因为田震隐退,都顺理成章坐上当时乐坛一姐嘅位置。
想係《我是歌手5》见到两大歌后同台竞技基本係无可能嘅啦,但係各位吃瓜群众都可以担定凳仔听田震一展歌喉!绝对係大boss级人物。

张 韶 涵
张韶涵呢个名承载佐几多90后嘅青春回忆!《欧若拉》《隐形的翅膀》等等歌真系慢慢嘅回忆。再到后来嘅一首《遗失的美好》,令到大家发现佢虽然人仔细细,但係把声超强穿透力同感染力。

但係08年嘅时候,不幸患病嘅韶涵被指吸毒、不孝、请人殴打父母等等负面新闻。后来隐退佐几年经过努力,今年张韶涵以一首《终于》复出,“涵式情歌”终于再次听到。想象下经历咁多磨难之后张韶涵企係《我是歌手》舞台上面唱《欧若拉》,斋捻下个场面都感动。

费 玉 清
由前几季开始就被网友点名希望佢参加,仲可以客串埋主持人。以前,费玉清比我地嘅感觉就係一个唱住阴柔嘅慢歌,着西装、打Tie,一唱歌就四十五度角仰望天空,带住一丝丝忧伤嘅男子,无捻到竟然係一个公然开车讲咸湿嘢嘅老司机!

唱得好,又识主持,得闲再讲几个段子,如果费玉清真係嚟,第五季收视肯定好好!


莫 文 蔚
係百度搜索“莫文蔚”会弹出来一条“莫文蔚是歌手还是演员”,可能好多人对Karen嘅印象都係演员。
但係前段时候湖南台节目《我们来了》中,莫文蔚同费玉清合唱嘅《当我老了》就已经刷爆屏,莫文蔚係名副其实嘅开声跪啊!如果到时费玉清同Karen真系确定参加,会唔会再度合唱呢?

莫文蔚费玉清合唱《当你老了》↓

林 宥 嘉
係旧年接受采访中,林宥嘉就表示自己宜家好渴望工作,但係因为之前嘅台独事件,小编以为Yoga都无咩机会再出现係内地嘅电视节目中。但无捻到前排播出既《蒙面唱将猜猜猜》第一个登场就係Yoga。睇嚟呢方面公司已经搞掂佐,咁出演《我是歌手5》都唔係意料之外嘅事。

周 华 健
早係第一季我是歌手总决赛嘅时候,周华健就做佐辛晓琪嘅帮帮唱嘉宾,两人合唱《当爱已成往事》。而之前第四季已经有传周华健会加盟,但係最后都无佐呢回事。之前周华健一直係《中国好歌曲》做导师,今次第五季唔知道会唔会以歌手嘅身份嚟参加比赛呢。

田 馥 甄
从第二季开始,就一直传Hebe会上节目。而係前几季嘅节目组拟邀名单入面都有Hebe个名,甚至有粉丝帮Hebe整埋海报,但係传佐咁耐都係无上过。

据说係因为被华研以“田馥甄要开巡演没有档期参加大陆节目”为由拒绝佐我歌嘅邀约。好多人估实际原因係当年Selina火灾事件彻底令芒果台同华研闹翻,细心嘅观众都可以发现从嗰次之后,华研嘅艺人再都无上过芒果台。今次究竟会唔会嚟呢,真系好期待见到Hebe、莫文蔚、张韶涵三大港台流行音乐女歌手同台献技!

永 邦
新加坡歌手,你可能唔知道佢。但係佢嘅歌应该好多人都听过:《威尼斯的泪》《爱在离别时》《野百合也有春天》。曾经因为歌曲涉嫌抄袭,后来逐渐淡出歌坛。而永邦都係目前参加《我是歌手5》可能性最大嘅男嘉宾。


估嚟估去
过多几个月咪知道咯
不如我地先估下
新一季赞助商係“洗衣液”定“有机奶”先啦



来源:广州正嘢

◆◆◆


八卦佛山

爆料哥微信

xingfufs

欢迎吹水合作


▲长按二维码“识别

Copyright © 韩国流行音乐联盟@2017